स्कटल्यान्डविरुद्ध नेपालले टस जितेर बलिङ सुरु गर्‍यो

घरेलु टोली नेपालले आइसिसी महिला टी–२० विश्वकप ग्लोबल छनोटअन्तर्गत समूह ‘बी’को अन्तिम खेलमा स्कटल्यान्डविरुद्ध टस जितेर बलिङ सुरु गरेको छ ।

कीर्तिपुरस्थित त्रिवि क्रिकेट मैदानमा सुरु भएको खेलमा नेपाली टोलीको कप्तान इन्दु बर्माले टस जितेकी हुन् । स्कटल्यान्डकी कप्तान क्याथरिन ब्राइसले ब्याटिङ सुरु गरेकी छिन् ।

आज दुवै टोलीलाई सुपरसिक्समा पुग्न जित्नैपर्ने दबाब छ । आजको खेलमा पराजित हुँदा नेपालको सम्भावना सकिनेछ ।