पोखरामा कालिका बोर्डिङको बस दुर्घटना: मृत्यु हुने ५ मध्ये ४ जनाको पहिचान खुल्यो, १२ घाइतेको उपचार हुँदै

असोज २३ गते पोखरा महानगरपालिका-२८ स्थित शान्ति मैदानमा कालिका बोर्डिङ स्कुलको बस दुर्घटना हुँदा मृत्यु भएका ५ जनामध्ये ४ जनाको पहिचान खुलेको छ।

पोखरा स्वास्थ्य विज्ञान प्रतिष्ठानका अनुसार दुर्घटनामा परी १५ वर्षीया ममता तिवारी, १३ वर्षीय असिम कँडेल, ६५ वर्षीय बाबुराम तिवारी र १५ वर्षीया शुभेच्छा तिवारीको मृत्यु भएको छ। मृत्यु हुनेमध्ये १५ वर्षीया एक किशोरीको भने अझै नाम र थर खुल्न सकेको छैन।

दुर्घटनामा घाइते भएका अन्य १२ जनाको सोही अस्पतालमा उपचार भइरहेको छ।

घाइतेहरूको नामावली:

• अस्मी कँडेल (१६ वर्ष) – आईसीयूमा उपचाररत

• सोनिया तिवारी (१३ वर्ष)

• स्नेहा खत्री (१४ वर्ष)

• अंकित पराजुली (१३ वर्ष)

• स्नेहा तिवारी (१५ वर्ष)

• स्मृति खत्री (१५ वर्ष)

• सुप्रिया आचार्य (१४ वर्ष)

• मेरिना तिवारी (१५ वर्ष)

• आकृति बुढाथोकी (१४ वर्ष)

• अर्जुन शाही (३१ वर्ष)

• यमन मगर (१६ वर्ष)

• तुलबहादुर गुरुङ (५७ वर्ष)