काठमाडौं, ११ वैशाख । काठमाडौंका विभिन्न सुकुमवासी बस्ती खाली गराउने सरकारको निर्णयविरुद्ध थापाथली क्षेत्रमा तनाव उत्पन्न भएको छ। सरकारले डोजर चलाउने तयारी गरेपछि स्थानीय बासिन्दाहरू आन्दोलनमा उत्रिएका हुन्।
सरकारको कदमको विरोध गर्दै प्रदर्शनकारीहरूले “डोजर आतंक बन्द गर”, “आवासको हक सुनिश्चित गर” र “निरंकुश सरकार चाहिँदैन” जस्ता नाराबाजी गरिरहेका छन्। राष्ट्रिय जेनजी नागरिक अभियानको अगुवाइमा भइरहेको यो प्रदर्शन थापाथलीबाट माइतीघर मण्डलासम्म र्यालीका रूपमा लैजाने तयारी गरिएको छ।
प्रदर्शनका क्रममा आन्दोलित युवाहरूले विशेषगरी रास्वपा सभापति रवि लामिछानेलाई निशाना बनाएका छन्।
प्रधानमन्त्री बालेन शाहले वैशाख ९ गते सुरक्षा निकायका प्रमुखहरूलाई बस्ती खाली गराउन निर्देशन दिएपछि यो प्रक्रिया अघि बढेको हो।
हाल देशभर करिब १२ लाख भूमिहीन दलित, सुकुमवासी र अव्यवस्थित बसोवासीहरू रहेका छन्। सरकारले पहिलो चरणमा काठमाडौंका ४ वटा मुख्य क्षेत्रमा डोजर चलाउने तयारी गरेसँगै यो मुद्दा फेरि एकपटक राजनीतिक र सामाजिक बहसको केन्द्रमा आएको छ।
radiomirmire
प्रतिक्रिया