काठमाडौँ | कार्तिक २१,
इरानको केसम टापुमा दुईवटा क्षेप्यास्त्र खसेको समाचार सार्वजनिक भएको छ। इरानी समाचार एजेन्सी तस्निमका अनुसार प्रारम्भिक रिपोर्टहरूले टापुमा दुई क्षेप्यास्त्र खसेको पुष्टि गरेका हुन्।
इरानको सरकारी समाचार एजेन्सी आईआरएनएले स्थानीय बासिन्दाहरूलाई उद्धृत गर्दै विमानको आवाज सुनिएलगत्तै टापुको सोजा क्षेत्रमा दुईवटा क्षेप्यास्त्र वा प्रक्षेपण खसेको जनाएको छ। तस्निमका अनुसार घटनामा सम्भावित मानवीय वा भौतिक क्षतिबारे हालसम्म कुनै आधिकारिक जानकारी आइसकेको छैन।
यसैबिच, इरानी सेनाले केसम टापुमाथि अमेरिकी ‘एमक्यू-९’ (MQ-9) ड्रोन खसालेको दाबी गरेको छ। रोयटर्सले इरानी सरकारी सञ्चारमाध्यमलाई उद्धृत गर्दै यो समाचार प्रकाशित गरे पनि ड्रोन खसालिएको दाबीको भने स्वतन्त्र रूपमा पुष्टि हुन बाँकी छ।
केसम टापुमा खसेका क्षेप्यास्त्रहरू र खसालिएको भनिएको ड्रोनबिच कुनै प्रत्यक्ष सम्बन्ध छ वा छैन भन्ने विषयमा पनि अझै स्पष्ट हुन सकेको छैन।
radiomirmire
प्रतिक्रिया